حيل بسيطة تريحك من ”وبرة الملابس”  

هناك حاجات كتير جدا ممكن تجمع الوبرة على البس، وممكن تحمي ملابسك من الوبرة، بأنك تكوي الملابس بدرجة حرارة مناسبة، وكمان لازم تحطي الملابس من نوعيتها ولونها، عشان متتوبرش بلون تاني، ومن الحاجات اللي بتجيب وبرة كتير للملابس، وضعها في المجفف على الدوام لأن حرارة المجفف كثيرًا ما تتسبب في الوبر، ونشرها في الشمس أفضل.

وعشان تتخلصي من الوبرة اللي على اللبس عندك وسايل كتيرة سهلة منها:

• استخدمي آلة الحلاقة لنزع الوبرة من الملابس القطنية والصوفية.
• ممكن تستخدمي مقص رفيع جدًا لنزع الوبر الظاهر على الأقل، ثم إزالته بفرشاة الملابس.
• ممكن مشط بأسنان رفيعة تشيلي بيه الوبره بأن تمشيه على اللبس عكس اتجاه الوبرة.
• استخدمي كمان الشريط اللاصق من أسهل الطرق اللي بتساعدك بسهولة بأنك تتخلصي من الوبرة.
• الحجر الأسود الذي يستخدم لتنعيم كعبي الرجلين وإزالة الجلد الميت عنهما، فممكن نمشي الحجر على الوبرة وتشيلها بمنتهى السهولة.